Instituti Kombëtar i Shëndetësisë Publike në Kosovë ka njoftuar të shtunën se gjatë 24 orëve të fundit, janë regjistruar 12 viktima nga koronavirusi
Sipas raportit ditor të IKSHPK-së, nga 1 555 testime, janë regjistruar 524 raste të reja.
Nga sëmundja, janë shëruar 566 pacientë ndërsa raste aktive janë 11 868.
Prej 13 marsit, kur janë regjistruar rastet e para me koronavirus në Kosovë, autoritetet shëndetësore kanë raportuar për 46 118 të prekur nga COVID-19. Prej tyre, 1 186 kanë vdekur ndërsa 33 064 janë shëruar.
