Një konferencë bioteknologjike e mbajtur në Boston shkurtin e kaluar, çoi në infektimin me koronavirus të të paktën 245,000 personave të tjerë në SHBA dhe Evropë, tregon një studim i ri gjenetik, i kryer me anë të gjurmëve të gishtave.
Një rast i vetëm duket se ka qenë përgjegjës për shumë nga rastet e tjera eventuale, njoftoi ekipi në Institutin Broad në Massachusetts.
Studimi i tyre gjen dy viruse të veçanta të lidhura me konferencën dhe më pas gjurmon ato linja në të gjithë SHBA-në.
Një prej tyre “u eksportua nga Boston në të paktën 18 shtete të SHBA, si dhe në vende të tjera, duke përfshirë Australinë, Suedinë dhe Sllovakinë”, shkroi ekipi, i udhëhequr nga Bronwyn MacInnis, drejtor i mbikëqyrjes gjenomike të patogjenëve në Institutin Broad.
Pavarsisht se të hulumtosh përhapjen e një virusi është shumë e vështirë sepse duhet të gjesh lidhjen mes të infektuarëve, gjenetika e gjurmëve të gishtërinjëve e mundëson këtë. Ekipi përdori bazat e të dhënave të virusit për të gjurmuar këto ndryshime individuale, të njohura si polimorfizma të vetme nukleotide ose SNP.
Vetëm rreth 200 njerëz morën pjesë në konferencën e Biogen në Boston në fund të Shkurtit, të mbajtur para se të ishin vendosur masat paraprake të përhapura pandemike. Prej asaj kohe, kompania ka bashkëpunuar me studiuesit për të ndihmuar në studimin e asaj që ka ndodhur.
