Redon Meksi, djali i ish-Kryeministrit Aleksandër Meksi, ka denoncuar në rrjetet sociale, dhunën e ushtruar nga policia në mjediset e komisariateve, apo në automjetet e policisë, pasi janë ndaluar.
Redon Meksi shkruan në rrjet se mirëkupton përdorimin e forcës nga policia deri në neutralizimin e protestuesve të dhunshëm, por është e papranueshme që ata të dhunohen pasi prangosen.
“Dje kanë dhunuar njerëz të prangosur në makinat e policisë, janë dhunuar njerëz në rajonet dhe komisariatet e policisë”, shkruan Meksi.
Postimi nga Redon Meksi
Une e kuptoj qe polica mund te perdore forcen kunder dhunes, mund te perdore shkopin e gomes, ujin, gazin etj kunder protestuesve te dhunshem, gjithashtu mund te shoqeroje apo arrestoje njerez per aktet e dhunes.
Ajo qe nuk arrij te kuptoj eshte dhuna pasi jane neutralizuar personat, dhuna nga nje tufe policash kunder nje personi te prangosur, dhuna neper rajonet e policise. Deri ne castin e neutralizimit, shoqrimit apo arrestimit une e kuptoj, por pas ketij momenti policia eshte ne shkelje flagrante te ligjit nqs ushtron dhune, e gjithashtu ne shkelje eshte dhe kushdo qe i mbron keto veprime.
Dje jane dhunuar njerez te prangosur, jane dhunuar njerez ne makinat e policise, jane dhunuar njerez neper rajonet e policise, prandaj mos na permendi ligjin se na beni per te vjelle, pasi keto veprime behen vetem per te friksuar dhe per hakmarrje
