Më në fund, Komisioni Parlamentar i Ligjeve, ka miratuar propozimet e PD e LSI, të bëra disa muaj më parë në Këshillin Politik, lidhur me krimet zgjedhore.
Referuar këtyre propozimeve, nëse një votues merr para në shkëmbim të votës, ai konsumon një vepër penale dhe kjo dënohet me burgim.
Por nëse pendohesh për këtë veprim dhe e rrëfen rastin në KQZ apo në Prokurori, i shpëton përgjegjësisë penale.
KQZ është e detyruar të ngrejë njësinë e sinjalizuesve. Këta bashkëpunëtorë të drejtësisë nuk mbajnë përgjegjësi penale,.
Këtu nuk futet vetëm shit-blerja e votës, por edhe dhënia e premtimeve për vende pune apo të ngjashme me këto.
Kuvendi do të miratojë në 17 dhjetor 6 ligjet e fundit që përmbyllin paketën e 5 qershorit të dalë nga Këshilli Politik.
Këtu hyn dhe ashpërsimi i Kodit Penal për dënimin e krimeve zgjedhore, e po ashtu edhe dhënia e kompetencës që SPAK të hetojë veprat penale që lidhen me votën.
