Ylli Manjani, ish-ministër i Drejtësisë, ka reaguar lidhur me raportin e SHÇBA mbi vrasjen e 25 vjeçarit nga një punonjës policie.
Manjani shkruan se konkluzionet e SHÇBA nuk zhgënjejnë duke e klasifikuar si vrasje në kapërcim të mbrojtjes së nevojshme. Por Manjani shprehet se jemi në kushtet e vrasjes me dashje dhe kjo përcaktohet nga Kodi Penal.
“Po si more qenka “në kapërcim të mbrojtjes së nevojshme” polici që nuk u sulmua nga askush?!
Po lexojeni Kodin Penal nenin 19 të tij dhe të kuptoni që flitet për Mbrojtje të nevojshme (për rrjedhojë edhe për tejkalimin e saj) vetëm kur:
1. Jemi para një sulmi real,
2. Sulmi është i padrejtë,
3. Sulmi është i atëçastshëm.
Reagimi mbrojtës ndaj këtij sulmi duhet të jetë proporcional. Kur humbet proporcionaliteti kemi tejkalim të mbrotjes së nevojshme.
Ky është Kodi Penal.
Është Penale e Përgjithshme. Viti i dytë semestri i parë në juridik! Edhe në Akademinë e Policisë njësoj e mësojnë penalen…”, shkruan Manjani.
Postimi nga Ylli Manjani
Siç pritej, pa asnjë surprizë, konkluzionet e SHÇB, pra të Policisë nuk zhgënjenë aspak. “Vrasje në kapërcim të mbrojtes së nevojshme” – thotë Policia.
Normal që këtë do thotë. Prandaj duhej që këtë hetim ta kryente dhe drejtonte Prokuroria e pavarur.
Po si more qenka “në kapërcim të mbrojtjes së nevojshme” polici që nuk u sulmua nga askush?!
Po lexojeni Kodin Penal nenin 19 të tij dhe të kuptoni që flitet për Mbrojtje të nevojshme (për rrjedhojë edhe për tejkalimin e saj) vetëm kur:
1. Jemi para një sulmi real,
2. Sulmi është i padrejtë,
3. Sulmi është i atëçastshëm.
Reagimi mbrojtës ndaj këtij sulmi duhet të jetë proporcional. Kur humbet proporcionaliteti kemi tejkalim të mbrotjes së nevojshme.
Ky është Kodi Penal.
Është Penale e Përgjithshme. Viti i dytë semestri i parë në juridik! Edhe në Akademinë e Policisë njësoj e mësojnë penalen…
Tani, ngjarja tragjike që edhe vetë SHÇB e konfirmon, nuk na tregon që viktima sulmoi policinë. Përkundrazi ai iku (u përpoq t’i ikte).
Askund nuk thuhet se ai sulmoi policinë!!!
Ndaj nuk flitet fare për mbrojtjen e nevojshme, por jemi qartësisht në kushtet e vrasjes me dashje.
Dallimi ligjor është shumë i madh në dënim.
Unë e kuptoj që ai polic është gjendur në rrethana fatkeqe, por akti që ka bërë nuk ka lidhje me vetëmbrojtjen. Do isha krejt dakort që të shihej në kontekstin e rrethanave lehtësuese ajo ngjarje për të, por ai nuk u sulmua që u detyrua të nxjerrë armën për të qëlluar. Të paktën kështu del edhe sipas raportimit të SHÇB.
Atëhere ku e panë konceptin e vetëmbrojtjes këta?!
Ndaj insistoj, që këtë çështje ta marrë në dorë Prokuroria dhe jo Policia!
