I ftuar në A-Show me gazetarin Adi Krasta, Presidenti Këshillit Kombëtar të Partisë Demokratike, Bujar Nishani, ka komentuar ndër të tjera edhe procesin e përzgjedhjes së kandidatëve për deputet brenda kësaj partie dhe pakënaqësitë që ka pasur mbi këtë proces, edhe vetë brenda kësaj partie, siç ishte ajo e Halim Kosovës.
“Meqë e lidhët me artikulimin e zotërisë, ne nuk bëjmë komente personale për kandidtatë që ishin pjesë e shqyrtimit.
Kjo ka një arsye.
Në një instrument kolegjial, ka edhe vendosen rregulla që duhet të respektohen.
Kjo bëhet që të mos abuzosh me të tjerët dhe të tjerët të mos abuzojnë me ty.
Sepse në një vendim kolegjial vendimet nuk i përkasin një personi.
Ne nuk kemi pranuar të bëjmë komente personale për një individ të caktuar, sepse respektojmë këtë kod të punës në një instrument kolegjial.
Përsa u përket, inatit, mfllefit, këto janë njerëzore, universal, janë të drejta të qenies humane.
Gjuha për ti shprehur është çështje e personalitetit të gjithsecilit.
Qytetaria nuk mësohet, ajo është në gen.’
Nishani i është përgjigjur edhe indirekt pyetjes se se ku ankohet një kandidat i cili skualifikohet, në cilat struktura.
‘Ka një çëshje e cila duhet përsëritur për dëgjuesit. Në fakt ky komision është atakuar me gjuhë vulgare nga ky kryeministër,
Edhe pse ky kryeministës ka qindra halle, gjen kohën të merret me këtë komision, me punët e brendshme të PD.
Pra ka diçka që i ka djegur këtij kryeministri.
Pra nuk ka rëndësi më të madfhe se kauza, emrat personale, që PD demostroi përmes këtij komisioni, që është marrë nga Partia Konservatore Britanike.
Ky është një proces që ka si parim gjithëpërfshirjen, transparencën dhe delegimin e pushtetit.
Shiko çfarë debati bëhët sot në PD.
Shikohen kualifikimet e personave, dimensioni I tyre dhe nga ana tjetër kemi një njeri që është kryeministër, që e anatemon këtë model, që është identifikuar si njeriu që bëri parlamentin, bashkitë ortakëri me botën e krimit.
Pra ka një diferencë të madhe midis dy botëve, atë që është sot PD dhe kryeministrit të lidhur me krimin”, tha Nishani.
