Dy nga qytetarët që humbën jetën ditën e sotme si pasojë e koronavirusit ishin nga Elbasani.
Burimet për mediat bëjnë me dije se viktimat janë një 59-vjeçare dhe një 67-vjeçar, të cilët kishin disa ditë të shtruar në spitalet Covid 1 dhe 2 në Tiranë, ku po mjekoheshin, por nuk arritën që të fitonin luftën me sëmundjen.
Me shifrat e sotme, numri i viktimave nga Covid në Elbasan shkon në 80.
Në 24 orët e fundit në Shqipëri janë shënuar 14 humbje jete nga koronavirusi.
Gjithashtu janë kryer 2532 testime, duke përfshirë këtu sipas ministrisë së Shëndetësisë edhe testet e shpejta që kanë nisur të përdoren në 24 orët e fundit dhe kanë rezultuar pozitivë 753 qytetarë.
