Elisa Spiropali gjatë një mitingu në Tiranë muaj më parë nuk nguroi që t’a quante Edi Ramën si Skënderbeun e shqiptarëve.
Krahasimi që bëri Spirotali mes Ramës dhe Skënderbeut prodhoi shumë batuta dhe meme në rrjetet sociale.
Por një tjetër socialist ka preferuar që Ramën ta krahasojë me Ismail Qemalin.
“Vlorës njëherë në 100 vjet i qëlloi kjo, kishte Ismail Qemalin në ato kohë të vështira, tani ka Edi Ramën. Kush e di kur do t’i vijë radha prapë. Atëherë nuk do ta shfrytëzojmë ne këtë fat që na ka rënë në derë”,- thotë Damian Gjiknuri.
Tashmë nuk dihet nëse Ramës i pëlqen më shumë krahasimi me Skënderbeun apo me Ismail Qemalin. Ndoshta në vijim, me ofrimin e fushatës, do të dëgjojmë të tjera çudira.
