Gjatë vizitës në Kukës, kryetari i PD, Lulzim Basha, vizitoi edhe familjen e Myrteza Isiberit. Ai është baba i katër djemve, tre prej të cilëve, tregoi se i ka në emigracion.
Basha bisedoi për disa minuta me zotin Isiberi i cili iu ankua kreut të opozitës për faktin që emigracioni po i merr të rinjtë kuksianë që nuk gjejnë mundësi jetese në Shqipëri.
Biseda
Lulzim Basha: Si je, a je mirë?
Myrteza Iseberi: Mirë kalojmë. Shih e shkruaj. Faleminderit prej këtyre djemve që më kanë ndihmuar pak, se unë kur kam qenë i zoti vet i kam pas ndihmuar, herët, me një fjalë para 10 vitesh.
Lulzim Basha: Ti i fute në rrugën e sportit domethënë.
Myrteza Iseberi: Po! Mirëpo sikur jam prish me ta. Më ikën. Gjoja për më mirë, mirëpo…
Lulzim Basha: Ku i ke, në çfarë vendesh?
Myrteza Iseberi: Vallahi larg. Njëri ka shkuar larg në Amerikë. Nja dy të tjerë i kam në Angli..
Lulzim Basha: Njërin e kë në Amerikë.
Myrteza Iseberi: Po. Dy në Angli. Një e kam këtu. Ai merret me mu.
Lulzim Basha: Një e ke këtu.
Myrteza Iseberi: Një e kam këtu, por nuk po e mbaj dot. I kam thënë rri deri më 25 prill se mos po ndryshon klima.
Lulzim Basha: Mirë i ke thënë.
Myrteza Iseberi: Vallahi, katër djem, pa asnjë, kjo kish qenë…
Lulzim Basha: Më 25 prill, jo vetëm për të por për gjithë Shqipërinë. Po ajo ndjesi që ke, që një ndryshim i mirë do vij për vendin.
Myrteza Iseberi: Ishallah!
Lulzim Basha: Atë po e ndjej kudo, jo vetëm në Kukës.
Myrteza Iseberi: Si i themi ne, ishallah e merr me hajër. Se mos po del me hajër, se kjo Rilindja na… nuk kish qenë rilindje, kish qenë mos lindja. Ore kjo më përpara nam qe, po kjo e ndërroi edhe emrin.
Lulzim Basha: Ke plotësisht të drejtë.
Myrteza Iseberi: Kjo është habitat.
Lulzim Basha: Ne po qeshim me humorin tënd, po populli ka vuajtur shumë.
Gjatë kohës që kryetari Basha ndodhej në banesën e familjes Isiberi, Myrtezain e telefonon djali që jeton në SHBA i cili zhvilloi një bisedë edhe me kryetarin Basha.
Myrteza Iseberi: Ja tani më zunë. Natjeta o Blerim Shqipëria. Jam me kryetarin e Partisë Demokratike të Shqipërisë, me zotin Lulzim Basha.
Lulzim Basha: Blerim si je?
Blerim Isaberi: Përshëndetje kryetar!
Lulzim Basha: Të përshëndes dhe unë ty.
Blerim Isaberi: Si jeni?
Lulzim Basha: A je mirë?
Blerim Isaberi: Me zi po presim të vijmë atje, që të votojmë, që ta rrëzojmë atë pis që ka hipur atje lartë që na ka largu nga atdheu, nga familja. Gjithë shoqëria jonë që jemi këtu, po presim që të vimë atje.
Lulzim Basha: Edhe Shqipëria me zi po ju pret. Se Shqipëria ka nevojë për ju.
Blerim Isaberi: Faleminderit kryetar.
Lulzim Basha: Ka nevojë për rininë më shumë se çdo gjë tjetër. Njerëzit që kanë nevojë më shumë Shqipëria, ata po largohen e ne duhet ta ndalojmë këtë dramë. Edhe për familjet tuaja, për prindërit tuaj, edhe për Shqipërinë. E duhet të bëjmë gjithçka që është e mundur për t’ju kërku edhe ju të riktheheni në vendin tuaj. T’ju krijojmë kushtet që të punoni dhe të jetoni këtu, afër familjes tuaj.
Blerim Isaberi: Do vimë së shpejti, me kismet që të votojmë, ta rrëzojmë atë qeveri.
Lulzim Basha: Të falënderoj nga zemra i dashur Blerim, e të mirëpresim. Të mirëpret Kukësi dhe e gjithë Shqipëria.
Blerim Isaberi: Faleminderit!
DENONCO