Hamilton: Aksidenti i Grosjean më ka bërë të mendoj tërheqjen nga F1

Koha po skadon dhe Lewis Hamilton ende nuk ka vendosur për të ardhmen e tij. Piloti britanik i mercedes, aktualisht në karantinë, pasi është i infektuar me Covid 19, nuk do të jetë në pistë këtë fundjavë.

Kontrata e tij me Mercedes skadon në fund të këtij viti dhe e ardhmja mbetet ende enigma edhe pse burime jozyrtare deklarojnë se rinovimi i kontratës me Mercedes është thjeshtë çështje kohe.

Pavarësisht se palët mendojnë për rinovimin, Hamilton ka shtuar dyshimet për të ardhmen e tij pas aksidentit të frikshëm të Romain Grosjean. Makina e këtij të fundit u nda në mes dhe përfundoi në flakë, me pilotin që shpëtoi  për mrekulli, duke dalë vetë nga flakët.

LEXO EDHE  Kategoria Superiore U21/ 27 gola në 5 ndeshje, Vllaznia “shtyp” Tiranën, fitore në transfertë për Kukësin

“Kam menduar tërheqjen nga sporti pas atij aksidenti. Kam 27 vjet që garoj dhe në gjithë këto vite kam parë shumë aksidente. Kur isha 9 vjeç pashë një fëmijë të vdiste pas një gare ku unë fitova. Ky aksident i Grosjean më ka futur në mendime. Nuk kam frikë, por reflektoj”, tha Hamilton.