Javën e kaluar, Këshilli i Qarkut të Kukësit, pjesë e të cilit është edhe Kryebashkiaku Safet Gjici, miratoi një vendim për heqjen e titullit “Qytetar Nderi” për publicistin Veton Surroi.
Pas vendimit pati reagime të shumta kundërshtuese, çka duket se detyruan Kryeministrin Edi Rama ta cilvsojë të nxituar dhe qesharak vendimin e marrë nga anëtarët e Rilindjes në Këshillin e Qarkut.
Surroi reagoi duke deklaruar se e shqetëson niveli mendor i Safet Gjicit dhe mendësia diktatoriale që ekziston në PS.
Rama e konsideroi vendimin si një lajthitje dhe i bvri thirrje Kuvendit të diskutonte mbi procedurat e dhënies apo heqjes së titujve.
Pas Ramës, Kryebashkiaku Gjici u detyrua të bëjë një reagim 100 % të ndryshëm nga ai që kishte mbajtur në mbledhjen e Këshillit, duke ia lënë topin për vendimin përfundimtar Prefektit.
Ndërkohë sot, prefekti i Kukësit Zenel Kuçana tha se Surroit nuk do i hiqet titulli. Ai tha se nuk ka vendosur të konfirmojë vendimin e Këshillit të Qarkut.
E gjithë kjo zhurmë tërhoqi për disa orë vëmendjen mediatike, por ndoshta nëse nuk do të kishte reagime të shtuata mbi vendimin skandaloz të Këshillit të Qarkut Kukës, as Rama nuk do të reagonte, as Gjici nuk do të pendohej dhe as Prefekti nuk do të tentonte të kundërshtonte heqjen e titullit.
