Ndërsa kanë kaluar pothuajse një javë nga vdekja e Diego Maradonas, puna për të zbuluar saktësisht se çfarë shkaktoi vdekjen e legjendës po kryhet në laboratorë të ndryshëm.
Ashtu siç raporton “Marca” në ekzaminim janë mostra të urinës dhe gjakut, si dhe zemra e tij pasi peshonte rreth 500 gram. Kjo është pothuajse dyfishi i peshës normale.
Kjo mbetet një mister për profesionistët mjekësorë që punojnë në këtë rast , të cilët kanë qenë të ngarkuar për të mësuar nëse Maradona ka konsumuar alkool, ilaçe ose substanca të tjera pak para vdekjes së tij. Kjo do të jetë thelbësore për hetimin e prokurorëve të San Isidro.
Zemra u zbulua se kishte kardiomiopati (dobësim të muskujve të zemrës) dhe ata që kryen autopsinë donin të ekzaminonin më hollësisht sistemin e përçimit elektrik të zemrës.
Shkaku i vdekjes u deklarua të ishte edema akute sekondare e mushkërive që solli edhe ndalimin e zemrës.
Testet e mëtejshme duhet të kryhen, për të zbardhur më shumë rreth vdekjes së Maradonës e cila ka shkaktuar shumë deklarata kontroverse në Argjentinë.
Sipas Telam, shumica e testeve do të fillojnë këtë të mërkurë, një javë pas vdekjes . Këto studime do të zhvillohen në selinë e njësisë shkencore të policisë, Argjentinë.
