Kreu demokrat, Lulzim Basha, përmes rrjeteve sociale, thekson se shqiptarët janë vetëm në luftën me sëmundjen dhe ekonominë e rrënuar.
Ai akuzon Qeverinë Rama se po punon për vete, jo për qytetarët.
“Rama e gjunjëzoi ekonominë dhe e rrënoi sistemin tonë shëndetësor këto 7 vjet. Qytetarë si Budulina dhe Robert Martini janë ata që po e paguajnë çmimin e papërballueshëm të kësaj katastrofe.
Shqipëria është sot vendi që jep ndihmën ekonomike më të vogël për qytetarët e saj. Pensione nuk rriten, shëndetësia po kolapson, kosto e jetës po rritet, ushqimet dhe ilaçet shtrenjtohen.
Qytetarët Shqiptarë kanë nevojë për një qeveri që punon për ta”, thekson Basha.
Sipas tij, shqiptarët nuk kanë nevojë për një qeveri që sheh gjithë kohës interesin personal, por për një qeveri që përpiqet çdo ditë për interesin kombëtar dhe që prin rrugën drejt Bashkimit Europian.
