100 ndeshje si “Dem i Kuq”, futbollisti hyn në historinë e Partizanit

Fitorja kundër Apolonisë në Fier me rezultatin 0-3 ishte një sfidë e dominuar nga Partizani, me “demat e kuq” që arritën të mbanin rrjetën e paprekur dhe të shënonin tri herë në portën e ekipit fierak.

Një pjesë e madhe e meritës që rrjeta u mbajt e paprekur, i takon kapitenit Egzon Belica.

Qendërmbrojtësi ishte perfekt në çdo duel me sulmuesit e Apolonisë dhe bëri një paraqitje shumë pozitive, në sfidën e tij të 100-të me Partizanin.

Plot 100 ndeshje për 30- vjeçarin me të kuqtë, që është një ndër pikat më të forta të Partizanit dhe kapitenit Daja.

LEXO EDHE  Tramezzani rikthehet në stol, merr drejtimin e klubit të famshëm

Katër gola ka arritur të shënojë Belica në 100 ndeshjet me Partizanin, si dhe ka fituar dy trofe: Titullin kampion dhe Superkupën e Shqipërisë.

Belica pa diskutim është një ndër mbrojtësit më të mirë në Shqipëri dhe një lider te Partizani. Nofka “profesori”, i shkon më se për shtat mbrojtësit 30 vjeçar.