Sot është një ditë përkujtimore për viktimat dhe ngushëllimi për të afërmit e atyre që vdiqën tragjikisht nën rrënoja. Ceremonitë në Durrës dhe Thumanë, vendi ku u shënuan më shumë viktima nuk do të mungojnë. Qeveria ka përgatitur ceremonitë me lule dhe fjalimet e rastit, por një vit pas tërmetit, më shumë se për fjalime, viktimat kanë nevojë për drejtësi. Ndërsa ata mijëra të tjerë që humbën banesat dhe gjithë pasuritë kanë nevojë për një shtëpi ku të fusin kokën dhe jo për fjalë e filma ministrorë në 3D!
Sot shënohet 1 vjetori i tërmetit shkatërrues të 26 nëntorit. 365 ditë më parë Shqipëria u zgjua nën lëkundjet e frikshme që morën jetën e 51 viktimave dhe plagosën mijëra të tjerë. Dhe u shkatërruan qindra banesa. Sot është një ditë përkujtimore për viktimat dhe ngushëllimi për të afërmit e atyre që vdiqën tragjikisht nën rrënoja. Ceremonitë në Durrës dhe Thumanë, vendi ku u shënuan më shumë viktima nuk do të mungojnë. Qeveria ka përgatitur ceremonitë me lule dhe fjalimet e rastit, por një vit pas tërmetit, më shumë se për fjalime viktimat kanë nevojë për drejtësi. Ndërsa ata mijëra të tjerë që humbën banesat dhe gjithë pasuritë kanë nevojë për një shtëpi ku të fusin kokën dhe jo për fjalë e filma në 3D.
Tërmeti është fenomen natyror, por vdekja e 51 qytetarëve në Shqipëri më shumë se vullnet i Zotit ishte dështim i gjithë strukturave shtetërore. 25 viktimat e Thumanës u gjetën në rrënojat e pallateve që ishin klasifikuar si të pabanueshëm, për shkak të tërmetit që goditi vendin në muajin shtator. Zyrtarët të cilët lejuan që pallatet të ktheheshin varre për disa familje nuk janë thirrur kurrë para drejtësisë. Ka dokumente dhe deklarata të zyrtarëve të qeverisë “Rama” që pranojnë se tragjedia mund të ishte shmangur, por të gjithë nuk bënë asgjë për të larguar familjet nga objektet e ndërtuara.
Në Durrës, objektet që u shembën dhe morën jetë njerëzish ishin ndërtuar pa asnjë kriter teknik dhe ligjor. Megjithatë ministritë, bashkia dhe zyrtarët e urbanistikës i kishin firmosur dokumentet sikur të ishin objekte të kategorisë më cilësore. Pallatet që u rrëzuan si kuti shkrepsesh apo hynë në rërë kishin firma zyrtarësh të lartë të PS dhe lejet janë dhënë me bekimin e ministrave dhe qeverisë. Ndaj më shumë se fatkeqësi natyrore, viktimat në Durrës dhe në Thumanë ishin një krim i paralajmëruar. Një krim që nuk u hetua nga drejtësia dhe askush nuk u ndëshkua. Në gjyq për krimin e ndërtimeve janë disa muratorë dhe punëtorë llaçi, por jo ministra, kryebashkiakë dhe zyrtarë që lejuan dhe firmosën ngritjen e banesave që morën jetë. Sot mes atyre që do bëjnë homazhe në vendet ku humbën jetën qytetarët do të jenë dhe zyrtarët dhe drejtuesit që lejuan kasaphanën me ndërtime në Durrës, ndaj bashkë me dhimbjen për humbjen e jetëve të njerëzve duhet të vajtojmë dhe dështimin e drejtësisë.
Dështimi i drejtësisë nuk është i vetmi për tragjedinë e 26 nëntorit. Tërmeti shkatërroi totalisht dhe dëmtoi rreth 14 mijë banesa. Qeveria nuk është në gjëndje thotë sot me shifra të sakta dhe të verifikueshme sa objekte janë ndërtuar dhe sa janë riparuar. Kryeministri Edi Rama dhe zyrtarë të qeverisë flasin çdo ditë për rindërtim dhe po mundohen ta paraqesin situatën si një histori suksesi, kur në fakt realiteti është ndryshe. Banorët në Thumanë, Durrës dhe zonat e tjera jetojnë ende në çadra ose në shtëpi me qera. Kanë një vit që qeveria u premton rregullisht se do t’u ndërtojë banesat, ndërkohë për shumë prej tyre ende nuk janë hedhur themelet. Edhe këtë fatkeqësi qeveria po e përdor për qëllime elektorale dhe tallje me qytetarët. Pak ditë pas tërmetit Edi Rama tha se pjesa më e madhe e banesave do të ishin gati brenda vitit. Sot jemi një vit fiks nga tragjedia dhe premtimi i Edi Ramës duket shumë larg realizimit. Një pjesë e projekteve janë lenë me afrimin e datës së zgjedhjeve, në mënyrë që Rilindja tu marrë votat për shtëpitë që po ndërtohen me lekët e buxhetit të shtetit dhe donatorëve. Ndërkohë si çdo histori tjetër që lidhet me menaxhimin e qeverisë edhe fondet e tërmetit nuk dihen në dorë të kujt po shkojnë. Kryeministri Edi Rama tha se mori rreth 1.5 miliardë euro, donacione dhe kredi për rindërtimin. Askush nuk di të thotë ku kanë shkuar këto para. Ish-deputeti Përparim Spahiu akuzoi se një pjesë e këtyre donacionëve të huaja kanë shkuar për pagat e administratës shtetrore.
Sot të përulemi para viktimave, por edhe SPAK-u duhej të kishte firmosur plotë fletë arreste./Koha jonë/
