Ministrja Ogerta Manastirliu në emisionin Opinion në Tv Klan foli lidhur me vaksinën që mund të blejë Shqipëria. Sipas saj deri tani ende nuk ka një vendim se cilën vaksinë do të bjejnë, ndërsa shtoi se në momentin që ajo do të sigurohet do të vaksinohen rreth 570 mijë persona. Të parët sipas Manastirliut do të vaksinohen grupet me rrisk të madh, si mësuesit, mjeket dhe infermierët dhe policët.
Ndërkohë Manastirliu nuk dha një përgjigje të saktë se kur vijnë vaksinat, si do të kryhet vaksinimi i popullësisë, ndërsa për çdo gjë tha se qeveria ku ajo bën pjesë ka një strategji.
Vaksinimi tha Manastirliu do të jetë falas dhe nuk do të jetë e detyrueshme.
“Vaksinimi nuk do të jetë i detyrueshëm. Vaksina do të jetë falas dhe e garantuar nga shteti. Aktualisht portofoli i Covax përmban 10 kompani të ndryshme që merren me zhvillimin e vaksinës dhe ka mbyllur marrëveshjen me 8 kompani. 3.9 milion dollar do të bëjë parapagim Qeveria Shqiptare për vaksinën. Kandidatët do të vlerësohen nga instrumenti i Covax ku marrin pjesë 186 shtete.
Fevziu: Do vendosim ne cilën vaksinë do marrim?
Manastirliu: Ne jemi pjesë e Covax, dhe marrim pjesë në negociata. Vlerësohen disa elemente si çmimi për dozë, kosot. Do të kemi më shumë informacione në fillim të muajit dhjetor.
Fevziu: Gjermania do të nis vaksinimin para krishtlindjeve. Ka një datë se kur do i kemi ne sasitë e para dhe sa mund të jenë?
Manastirliu: Qeveria shqiptare përveç angazhimit të drejtëpërdrejtë, nuk ka ndalur punën në drejtim edhe të ofertave të tjera. Ne, mund të blejmë edhe jashtë Covax, mund të negociojmë me ofertën e Covax, dhe mund të tërhiqemi prej tij nëse gjejmë një vaksinë me çmim më të leverdishshëm.
Fevziu: Sa do jetë doza që mund të marrim?
Manastirliu: Nuk bëhet fjalë sot për doza. Të parët që do targetohen janë grupet e rriskut. Ne kemi një strategji për vaksinimin, duke filluar nga personeli, policët, mësuesit.
Favziu: Po sa doza?
Manastirliu: Ekspertët tanë kanë vlerësuar se fillohet me 20%. Një punë e mirë po bëhet edhe me vaksinën e gripit që po jepet falas. Kjo do të varet nga vaksina. Nëse do të jetë e Fizerit apo Covax.
Fevziu: Ku do të ruhet?
Manastirliu: Ne kemi strategji. Nëse do jetë vaksinë që kërkon -75 gradë, jemi duke ndërtuar infrastrukturën.
Fevziu: Shpërndarja do kryhet nga kompania apo nga shteti ynë?
Manastriliu: Edhe për këtë, instrumenti ku ne kemi aderuar siguron edhe transportin e sigurt. Covax siguron që jo vetëm përmes një blerësi që është i certifikuar, që vlerësin edhe koston, por dhe ruajtjen.
Fevziu: Ne jemi të gatshëm sot nëse gjejmë sasi vaksinë që ta blejmë atë? Dhe a jeni të interesuar për vaksinën kineze?
Manastirliu: Dy janë element të rëndësishëm, e para, financimi me Covaxin dhe jemi duke bashkëpunuar me disa shtete evropiane dhe se shqipëria ka mundësi të bleje në KE çdo pajisje apo vaksinë që ka rekomanduar BE. Do bëjmë kërkesë pëer vaksina nga vendet e BE-së. Dhe një sqarim për të gjithë. Ashtu sikurse ne kemi një komitet ekspertësh pë rmenaxhimin dhe përjgigjen ndaj pandemisë, kemi dhe një komitet për vajsinën. Çdo vendimëmarrje e qeverisë konsultohet me këtë Komitet Kombëtar që vlerëson vendimëmarrje. Përsa i përket llojit të vaksinës ne jemi angazhuar me këto instrumenta. Në ditët në vijim do merrnin informacion.
Fevziu: Kur nisin vaksinimet e para?
Manastirliu: Jemi të gatshëm t’i përgjigjemi në kohë të gjitha kërkesave që do të duhen në momentin kur vaksina do të vijë në shqipëri.
Fevziu: Kur do të jetë e gatshme vaksina që do vijë në Shqipëri?
Manastirliu: Sa më shpejt të jetë ajo përpjekjet tona nuk do të rreshtin për ta bërë të mundur vaksinën efektive.
Fevziu: Si do vaksinoni 570 mijë vetë?
Manastirliu: Ka një strategji që ne jemi duke punuar për kushtet. Edhe për këtë ka një strategji. Vaksina që do përzgjidhet është e para. Vaksinimi mund të varet nga përqindja e vaksinave që do të vijnë.
