Mjeku imunolog Genc Sulçebe ushpreh mëngjesin e sotëm në Abcnews se vaksina ruse kundër Covid-19, ka të njëjtin vektor si ajo e Oksfordit.
Sulçebe tha se ndryshon vetëm lloji i virusit që është përdorur. “Oksfordi ka marrë një adenovirus nga majmuni, pasi mendojnë se 20-30 % e njerëzve mund të kenë anti-trupa, që mund të eleminojnë këtë adenovirus. Rusët kanë raportuar një efikasitet mbi 90%, por problemi është se ata e kanë bërë në një numër të kufizuar rastesh”, tha Sulçebe.
Ai u shpreh se në rastin e pandemive përdoren masa të rrepta që nisin me testim masiv dhe gjurmim masiv.
“Testimi masiv kërkon një organizim, kërkon logjistikë, por do ishte efikas. Testimi masiv në Sllovaki gjeti 1 %, një shifër e ulët, por nëse ti e kap atë, e gjurmon, atërherë virusin e izolon. Testimi masiv kërkon punë kapilare”, tha ai.
Sulçebe tha se aktualisht jemi në kulmin e infeksionit, ndërsa po aplikohen masa të buta krahasuar me atë që ndodhi në mars-maj.
“Duhen masa më të forta, duhet të planifikohen masat, duhet të shihet mbyllen vendet e grumbullimit. Shkollat duhen mbyllur, sikundër edhe lokalet, restorantet dhe palestrat”, tha Sulçebe. Sipas tij, këto masa do të ngadalësojnë përhapjen e virusit.
Sulçebe parandalimi është shumë më efikas se ngritja e strukturave spitalore në vend.
