Në më pak se 10 muaj, COVID-19 ka vrarë më shumë njerëz sesa të gjitha goditjet në tru, kanceri, vetëvrasjet dhe përplasjet e makinave zakonisht në një vit të plotë.
CNN raporton se ekspertët e shëndetit thonë se nëse amerikanët nuk bëhen më seriozë në lidhje me mbajtjen e maskave dhe shmangien e kontakteve, shkalla e vdekjeve do të vazhdojë të rritet edhe në këtë vjeshtë dhe dimër.
Më poshtë ju sjellim një raport se sa vdekjeprurës është COVID-19, krahasuar me disa shkaqe të tjera të vdekjeve në SHBA. Për të pasur një raport më të ekuilibruar, CNN mori mesataren vjetore pesë-vjeçare 2014- 2018, viti i fundit në dispozicion i të dhënave për shumicën e shkaqeve.
Koronavirus ka vrarë 250,000 njerëz në SHBA në më pak se 10 muaj, sipas të dhënave nga Universiteti Johns Hopkins.
Mesatarisht, 24,166 njerëz vdesin çdo vit në aksidente me makinë, sipas të dhënave nga Administrata Kombëtare e Sigurisë së Trafikut të Autostradave. (Numri përfshin shoferë ose pasagjerë të vrarë në përplasje makinash, jo të tjerë si biçikleta ose këmbësorë që u vranë si rezultat i përplasjeve të makinave.)
Kjo do të thotë të paktën 10 herë më shumë njerëz kanë vdekur nga Covid-19 deri më tani këtë vit sesa aksidentet e makinave zakonisht për një vit të tërë.
Gripi dhe COVID
Mesatarisht 42,200 njerëz vdesin nga gripi çdo vit nga 2014 deri në 2018, sipas të dhënave nga Qendrat Amerikane për Kontrollin dhe Parandalimin e Sëmundjeve.
Kështu në më pak se 10 muaj, vdekjet nga COVID-19 kanë arritur më shumë se pesë herë numrin mesatar të vdekjeve vjetore të gripit.
Koronavirusi nuk është thjesht më vdekjeprurës se gripi, por është gjithashtu shumë më ngjitës sesa gripi.
Vetëvrasjet dhe COVID
Numri i vdekjeve nga Covid-19 tani është pesë herë më i lartë se vdekjet nga vetëvrasjet çdo vit.
Mesatarisht, 45,439 njerëz vdiqën nga vetëvrasja nga 2014 deri në 2018, sipas të dhënave të CDC.
Studiuesit nga Universiteti i Nju Jorkut janë të shqetësuar se numri i vetëvrasjeve do të jetë më i lartë në vitin 2020 për shkak të stresit pandemik.
Sëmundjet e zemrës dhe COVID
Sëmundja e zemrës është shkaku kryesor i vdekjes në SHBA. Mesatarisht 670,595 njerëz vdesin nga sëmundjet e zemrës çdo vit, sipas të dhënave të CDC.
Ndërsa Covid-19 nuk pritet të tejkalojë sëmundjen e zemrës në numrin e vdekjeve gjatë një viti, numri i përditshëm i vdekjeve nga Covid-19 shpejt mund të tejkalojë normën ditore të vdekjeve nga sëmundjet e zemrës, tha Dr. Peter Hotez.
Ai përmendi Institutin e Universitetit të Uashingtonit për Matjet dhe Vlerësimin e Shëndetit, i cili ka parashikuar që Covid-19 do të vrasë 2,500 njerëz në ditë në SH.B.A dhe bëhet fjalë për periudhën e janarit 2021.
Sipas Shoqatës Amerikane të Zemrës, mesatarisht 2,353 njerëz vdiqën çdo ditë nga sëmundje kardiovaskulare (përfshirë sëmundjen e zemrës), bazuar në të dhënat e vitit 2017.
Të martën, SH.B.A. raportoi 1,707 vdekje të reja nga Covid-19, sipas Universitetit Johns Hopkins.
Dr. Jonathan Reiner, profesor në Shkollën e Mjekësisë të Universitetit George Washington, tha se numri aktual i përditshëm i vdekjeve “pasqyron numrin e njerëzve që ishin infektuar tre javë më parë, sepse kjo është vonesa” midis numrave të të infektuarve dhe viktimave.
Kanceri dhe COVID
Kanceri është shkaku i dytë kryesor i vdekjeve në SHBA dhe kjo nuk pritet të ndryshojë këtë vit.
Mesatarisht 612,725 njerëz vdesin nga kanceri në SHBA çdo vit, sipas të dhënave të CDC.
Mesatarisht 141,952 njerëz në SH.B.A. vdesin nga goditjet në tru çdo vit, sipas të dhënave të CDC.
Kështu që në më pak se 10 muaj, Covid-19 ka vrarë rreth 1.8 herë më shumë njerëz sesa goditjet zakonisht në 12 muaj.
