Ish-Kryeministri Sali Berisha e ka cilësuar Edi Ramën si puthadorin e Aleksandar Vuçiç, Presidentit të Serbisë, që e konsideroi si Gebelsin e Sllobodan Millosheviçit.
Berisha tha se nga rezoluta e Kuvendit të Shqipërisë, u hoq fjala “genocid”, ndërkohë që këtë mund t´a bëjë vetëm Duma ruse.
“Në Kosovë nga serbët u kryhen genocid, krime monstruoze, u dogjën të gjallë njerëz. Çfarë u thotë ky bastard atyre shqiptarëve që iu masakruan të afërmit nga serbët. Rama është anti-shqiptari më i madh pas Enver Hoxhës.
Si mundet që Kuvendi i Shqipërisë të mos e quajë genocit atë që ndodhi në Kosovë?”, tha Berisha.
Lidhur me sulmet e Ramës dhe Rilindjes ndaj Lulzim Bashës lidhur me akuzat për Kosovën, Berisha tha se “ky faqezi po përpiqet t´i zbardhë faqen padronit të tij, Aleksandar Vuçiç. Po i thotë shqiptarëve dhe Botës se nuk është Vuçiç pas procesit që po zhvillohet në Hagë. Po bëhet një lojë në kurriz të shqiptarëve”.
“Të gjitha palët në Kosovë kanë folur hapur: mos rëndoni gjendjen e ish-udhëheqësve të UÇK në Hagë. Sepse Edii Rama ky faqezi, po tenton të krijojë mendimin se ky është një problem shqiptar, që Lulzim Basha apo shqiptarët kanë hetuar mbi shtëpinë e verdhë.
Po shfrytëzohen njerëz të sëmurë në këtë situatë. Basha ishte pjesë e grupeve që mblodhën provat kundër Milloshevicit.
Pse doli Krusha e Madhe apo pse debati bëhet a ishte në shtëpinë e verdhë Lulzim Basha? Ky është një faqezi”, tha Berisha, duke shtuar se Edi Rama po i shërben Beogradit me gjithë këto akuza.
Ish-Kryeministri deklaroi në Abcnews se Edi Rama është pas idesë së ndryshimit të kufinjve të Kosovës, dhe këtë e kanë thënë edhe personalitete të huaja, përfshi edhe ato serbe.
Berisha tha se Rama ka vënë Kosovën në pazar me Beogradin.
“E dëgjuat ju kërcënimin me luftë të Vuçiç ndaj Kosovës? Reaguan të gjithë, forcat politike, reagoi faktori ndërkombëtar dhe shqiptarët kudo në Botë, ndërsa i vetmi që nuk reagoi ishte Zoggrafi Biss. Kryeministri i Shqipërisë nuk heshti, por foli me heshtjen e tij tradhëtare. A ka më turp se ajo marrëveshje e firmosur mes Shqipërisë dhe Serbisë në një kohë që ish-komandantët e UÇK ndodhen në Hagë? Interesi i Ramës është anti-shqiptar, agjentët paguhen”, tha Berisha.
