Hoti: Zgjedhjet në SHBA nuk ndryshojnë asgjë për Kosovën

Kryeministri i Kosovës, Avdullah Hoti, ka folur zgjedhjet presidenciale në ShBA, dhe për raportet ShBA-Kosovë.

Ai në emisionin “A Show” ka thënë se “raportet e Kosovës me Shtetet e Bashkuara të Amerikës nuk kanë ndryshuar në këto tridhjetë vite, dhe nuk do të ndryshojnë përsëri”.

“Pavarësisht kush udhëheqë me ShBA-në, demokratë ose republikanë, në politikën e jashtme me Kosovën, nuk ndryshon gjë, ata funksionojnë më interesa e politika afatgjata”, është shprehur Hoti.

LEXO EDHE  Qëlluan me thikë 60-vjeçarin, arrestohen dy vëllezërit e mitur shqiptarë (Detajet)

Tutje, Hoti e ka quajtur pretendim jo serioz se, Administrata Trump e ka favorizuar më shumë Serbinë sesa Kosovën.

Ai tutje rreth kësaj çështje ka thënë se Marrëveshja e Uashingtonit, është një plan për ta futur Serbinë në orbitën perëndimore, prandaj ky është edhe interes i shqiptarëve.