Covid-19 ka prekur edhe burgun e Bënçës Tepelenës. Nga raportimet mësohet se 5 të burgosur kanë rezultuar pozitivë me koronavirus.
Ata janë transportuar drejt burgut të Shën Kollit, atje ku është ngritur një strukturë e posaçme për trajtimin nga koronavirusi të personave që vuajnë dënimet.
Nga të dhënat mësohet se gjendja shëndetësore e të burgosurve paraqitet e stabilizuar, ndërkohë që burgu i Bënçës është vendosur nën monitorim, dhe pritet realizimi i testimeve për personelin apo të burgosurit e tjerë që kanë pasur kontakte me të infektuarit.
