Kreu i Forumit Rinor të Partisë Demokratike, Belind Këlliçi, u shpreh se në 25 prill votojmë për të qëndruar në vendin tonë, në shtëpitë tona.
Këlliçi ishte në Lushnje, në një takim me të rinjtë, për të cilin shprehet se “një energji si kurrë më parë, në takimin me të rinjtë demokratë të FRPD”.
“Lushnja nuk ndryshon shumë nga qytetet e tjera të vendit. Një mori problemesh që nuk kanë të sosur.
Të rinjtë nuk shohin perspektivë. Duan të largohen. Dikur idea e ardhjes në Tiranë i joshte. Tani mendojnë si të ikin një orë e më parë nga Shqipëria.
Qytetin e Kongresit e ka kapluar zymtësia. Sa investime janë bërë në Lushnjë për 100-vjetorin e Kongresit? Pesë me hiç!
T’u japim kurajo të rinjve. T’u japim prioritet, punë e arsim. Do të kthehemi sërish në Lushnjë. Do të kthehemi për të bërë ndryshimin që duam të shohim. Nuk ka zgjidhje tjetër. Të mposhtim depresionin kombëtar.
Në 25 Prill do fitojmë për të qëndruar në vendin tonë, në vatrat tona, pranë prindërve tanë! Forca”, shkruan Këlliçi.
