E shtruar te “Shefqet Ndroqi”, 77-vjeçarja humb jetën nga Covid-19

Një 77-vjeçare e infektuar me Covid-19 nga qyteti i Elbasanit ka ndërruar jetë mbrëmjen e së shtunës në spitalin Shefqet Ndroqi.

Sipas Abcnews, e moshuara ishte dërguar në gjendje të rëndë drejt Covid-2. Raportohet se në orët e fundit disa persona të infektuar në gjendje të rëndë janë transportuar nga Elbasani drejt spitaleve Covid në kryeqytet.

Prej fillimit të pandemisë, deri në pasditen e djeshme, zyrtarisht Ministria e Shëndetësisë, ka raportuar 612 raste vdekjesh nga Covid-19. Ndërkohë prej disa ditësh, numri i personave aktivë me koronavirus, ka kaluar numrin e personave të shëruar.

LEXO EDHE  Tirana fiton derbin e kryeqytetit, Partizani në krizë të thellë

Tirana mbetet qarku me numrin më të lartë të të prekurve me 6797 persona dhe më pas renditen Durrësi dhe Fieri, përkatësisht me 1170 dhe 1005 persona aktivë me koronavirus.