Roma në zi. Dino Da Costa është shuar në moshën 89-vjeçare, një ditë më parë. Ish-sulmuesi, i renditur në vendin e tetë në listën e shënuesve më të mirë në gjithë historinë e klubit italian, ikën nga kjo botë dhe pikëllon familjarët, të afërmit, miqtë dhe tifozët e Romës.
Dino Da Costa kishte lindur në Brazil, ndërkohë që në Itali ishte zhvendosur që në vitin 1955. Ai u pajis edhe me pasaportë italiane dhe luajti një ndeshje me kombëtaren axurre, ndërkohë që për pesë vite veshi fanellën verdhekuqe të Romës.
Ai gjithashtu ka luajtur edhe me skuadra si Atalanta, Fiorentina, Juventus, Hellas Verona dhe Ascoli, për ta mbyllur karrierën në vitin 1968.
Da Costa numëron 106 gola në 281 ndeshje të Serie A, ndërkohë që luajti edhe 31 takime në Serie B dhe shënoi 5 gola. Me fanellën e Romës ai numëron 75 rrjeta të tundura në 160 ndeshje, 71 prej tyre në Serie A.
7⃣9⃣ goals in 1⃣6⃣3⃣ games…
Rest in peace, Dino. 🇧🇷🐺🇮🇹 #ASRoma
https://t.co/amdvyHxrpO— AS Roma English (@ASRomaEN) November 11, 2020