Ka përfunduar në barazim 1-1 miqësorja e luksit mes Holandës dhe Spanjës përpara takimeve decizive të Ligës së Kombeve që këto ekipe do të luajnë në fundjavë në grupet e tyre.
“Tulipanët” kanë 5 ndeshje që nuk gjejnë fitoren dhe kjo situatë duket se është krijuar pas largimit të Koeman në stolin e Barcelonës.
Italia kishte një ndeshje të lehtë përballë Estonisë të cilën arriti ta mundte me rezultatin 4-0. Trajneri i “të kaltërve” kishte hedhur në fushë shumë të rinj, pjesa më e madhe e të cilëve tregoi cilësi në këtë takim.
Në ndeshjet e tjera, Belgjika fitoi 2-1 ndaj Zvicrës, Gjermania mposhti 1-0 Republikën Ceke, ndërsa Portugalia shkatërroi me rezultatin 7-0 modestët e Andorrës.
