Kreu demokrat Lulzim Basha i është drejtuar me një mesazh Kryeministrit Edi Rama, të cilin e akuzon se po përhap gënjeshtra kundër tij, në vend që të luftojë Covid-19 dhe të shpëtojë ekonominë.
Basha thekson se Rama harxhon kohën për të përhapur gënjeshtra në vend që të shpëtosh jetën e qytetarëve dhe ekonominë.
“Edhe për nivelin tënd të ulët, kjo është e papranueshme. Ti gënjen sepse nuk mban dot asnjë premtim. Ti di vetëm të rrënosh ekonominë.
Ti vizaton, rri në Instagram, unë kam vë jetën në shërbim të Shqipërisë, Kosovës, shqiptarëve. Ti nuk më bën dot moral mua për patriotizëm.
Ti nuk më mëson dot mua çfarë është besnikëria ndaj Shqipërisë. Me gënjeshtrat e tua ti dëmton Shqipërinë, Kosovën dhe interesat kombëtare”, thekson Basha.
Në vijim, kreu demokrat shprehet se të gjitha akuzat e Ramës janë shpifje dhe mashtrime për të larguar vëmendjen nga skandalet dhe dështimet e tij.
Basha e paralajmvron Ramën se për të gjitha këto po vjen dita të japësh llogari para drejtësisë.
“Do të investoj çdo minutë të kohës time të të mposht në zgjedhje. Bashkë me shqiptarët të punoj për të shëruar vendin tonë. Për t’u dhënë një shpresë të re njerëzve.
Zbato planin tim për të luftuar pandeminë. Hiqua paratë miqve të tu, jepua spitaleve, mjekëve, infermierëve. Jepu ndihmë financiare qytetarëve, të gjithëve pa përjashtim.
Merr urgjentisht masa për çmimet e ilaçeve dhe të ushqimeve që vetëm janë rritur gjatë kohës tënde. Rikupero dëmet e tërmetit, për të cilat shumë flet e pak bën.
Mjaft e bllokove rrugën drejt Bashkimit Europian dhe të ardhmen e vendit dhe brezave që vijnë. Ne do të mposhtim ty dhe do t’i japim fund gënjeshtrave dhe premtimeve të tua të rreme.
Do ecim të sigurtë drejt Europës për të garantuar njëherë e mirë të ardhmen tonë”, thekson Basha.