Mbrëmjen e sotme te Unaza e Re është zhvilluar një protestë nga banorët e një kompleksi, që akuzojnë se institucionet kanë dhënë një leje ndërtimi duke i hapur rrugën një tjetër godine shumëkateshe në sheshin mes pallateve. Të revoltuar banorët kanë shkallmuar duke hequr rrethimin e kantierit të ndërtimit.
Banorët kërkojnë anulimin e lejes për ndërtimin e këtij pallati në sheshin mes pallateve. Ata shprehen se në momentin që blenë apartamentet u është thënë se sheshi do të ishte lulishte. “Projekti i kompleksit në dokumentet e blerjes së apartamenteve sheshi i pallatit shfaqet si një park me lulishte” thonë banorët.
Gjithashtu një tjetër shqetësim që ngrenë banorët lidhet me tërmetet. “Nuk po respektohet asnjë rregull përsa i përket tërmeteve. Banorët në rast rreziku tërmetesh nuk kanë një ambient të hapur ku të qëndrojnë të sigurt” thonë më tej banorët e kompleksit./abcnews.al/
