Ambasadorja franceze nga Elbasani I ka dhënë disa mesazhe politikës shqiptare. Në një deklaratë për mediat ajo u shpreh se në mars të këtij viti Këshilli i Evropës diskutoi për hapjen e negociatave për Shqipërinë duke i lënë edhe disa detyra.
Franca ka qenë kritike mbi integrimin e shqipërisë , mbetet në të njëjtat qendrime apo janë zbehur?
Elisabeth Barsacq: Tani jemi në një etapë tjetër. Duhet ta kemi parasysh se në marsin e vitit 2019 Këshilli Europian vendosi që negociatat me Shqipërinë do të hapen dhe tani ne po shohim sesi do të negociojmë në të ardhmen. Po nuk u happen edhe pse ne jemi të mendimit që duhet të hapen. Siç e dini mirë ka kushte për t’u plotësuar. Siç janë : Shteti i së drejtës, lufta kundër korrupsionit, dhe kjo nuk varet as nga Franca as nga Kroacia dhe Polonia , por nga vetë Shqipëria. Kjo është situata . Sa i perket marrëdhënieve dypaleshe për shqipërinë kemi një lajm shumë të mirë; Të ardhjes në Shqipëri të agjencisë franceze të zhvillimit, e cila do të financojë projekte dhe bashkëpunime me qeverinë shqiptare. Të gjitha ne këto i bëjmë se bashku me vendet e tjera të BE, pasi BE eshte partneri i Shqiperisë .
Mendojë se Shqipëria i ka të gjitha shancet për t’u bërë pjesë e Bashkimit Europian.
Ambasadorja Vasak ishte kritike me politikën shqiptare, po ju a do të ecni në të njëjta gjurmë?
Elisabeth Barsacq: Nuk kam ndërmend të kritikoj punën e paraardhëses sime dhe as të politikës shqiptare. Ju e dini që përpara se të marri funksionin një ambasador ai informohet për vendin ku shkon. Kur isha në Paris dhe po informohesha, unë thashë se do të bëj çdo gjë që Shqipëria të jetë pjesë e BE. Por kjo nuk do të thotë që Shqipëria të mos bëjë detyrën e vetë. Dhe kjo është detyra që i dhashë vetes dhe ma dhanë porosi. Mesazhi që më dhanë si ambasadore: Shko atje dhe bëj ç’është e mundur që Shqipëria të jetë pjesë e BE.
