Kreu i Urgjencës Kombëtare, Skënder Brataj, u shpreh i revoltuar nga deklaratat e ekspertit të Shëndetit Publik në Londër, Lajdon Shapo, lidhur me situatën e koronavirsuit në vendin tonë.
“Më vjen keq, çfarë mund të mësojmë ne nga Britania e Madhe, e cila është një nga vendet më të dështuara në menaxhimin e pandemisë?
Ne s´mund të dëgjojmë këtu se çfarë thotë eksperti Shapo se edhe ne marrim vesh. Unë vij nga Italia dhe ky vend ka një nga sistemet më të mira në Botë për shëndetësinë.
Më vjen keq, por s´mund të pranojmë këto këshilla, secili e di vetë se si e menaxhon shtëpinë e tij”, tha Brataj i revoltuar.
Lajdon Shapo, ekspert i shëndetit publik në Londër, tha se nëse në Shqipëri çdo gjë do të lihet në rënie të lirë, atëherë imuniteti i tufës mund të arrihet në fund të muajit shkurt lidhur me koronavirusin. Por ai shtoi se kostot e jetëve të humbura do të ishin shumë të larta.
Shapo tha se në Shqipëri duhet të aplikohen izolimet në ato që konsiderohen zonat e kuqe.
“Duhet të bëhen testet në zona të caktuara, në mënyrë që të shmanget një mbyllje totale. Mund të merren vendime që të lejojnë pak frymëmarrje, por duhet të bëhen testime masive në zona.
