Inspektorati Shtetëror Shëndetësor i Gjirokastrës ka mbyllur dy fasoneri, të cilat operonin duke mos respektuar kushtet elementare të protokollit AntiCovid.
Vendimi ka ardhur pasi një grua, 40-vjeçare nga Lazarati, humbi jetën si pasojë e koronavirusit. Ajo ishte punonjëse në një prej fasonerive që sot u mbyll.
Të dy fasoneritë do të qëndrojnë të mbyllura në një afat të pacaktuar.
Sipas kreut të ISHSH Gjirokastër Edi Sinojmeri, masat janë drastike dhe kanë për synim mbrojtjen e shëndetit të personave të tjerë të paprekur dhe njëkohësisht këto masa do të avancojnë edhe më tej me gjoba ndaj pronarëve të këtyre fasonerive ku punojnë gjithsej 300 gra.
