Kategoria e Parë/ Besëlidhja shkatërron Partizanin B, Tomori “poker” Elbasanit. Rezultatet e plota!

U luajtën ditën e sotme 5 sfida të vlefshme për Grupin A dhe Grupin B të Kategorisë së Parë. Surprizat nuk munguan teksa Besëlidhja e Sinan Bardhit shpartalloi me rezultatin 2-6 Partizanin, në përballjen e vlefshme për javën e dytë.

Një dominim i frikshëm i skuadrës lezhjane që arriti të shënonte plot 4 gola që në fragmentin e parë të lojës.

Ndërkohë në 2 përballjet e tjera të Grupit A, Korabi mposhti minimalisht Veleçikun në transfertë. Me rezultatin 1-0 triumfoi edhe Oriku përballë Erzenit. Vlen të theksohet fakti se Shijakasit humbën në pjesën e dytë edhe një 11-metërsh me anë të sulmuesit Çema.

LEXO EDHE  Lojërat Olimpike, Berisha uron sportistët shqiptar në Tokio

Ndërkohë në Grupin B, Tomori ka bindur ndaj Elbasanit duke triumfuar me rezultatin e thellë 4-0. Në takimin tjetër, Besa e Kavajës iu fal brazilianit Da Silva në takimin ndaj Pogradecit të zhvilluar në Luz, duke fituar me rezultatin 2-1.

Grupi A

Partizani B-Besëlidhja 2-6

Veleçiku-Korabi 0-1

Oriku-Erzeni 1-0

Grupi B

Tomori-Elbasani 4-0

Besa-Pogradeci 2-1