Ambasadorja e SHBA-së në Tiranë, Yuri Kim ka mbështetur deklaratën e kreut të grupit parlamentar të PS-së, Taulant Balla që duhen hetuar gjyqtarët që u dogjën nga Vetting-u.
Ambasadorja Kim shpreh dakordësinë e saj lidhur me një deklaratë të tillë.
“Që kur ka filluar Vetting-u, asnjë gjyqtar apo prokuror i vetëm nuk është ndjekur penalisht apo dënuar. Nevoja për të hetuar korrupsionin në gjyqësor, përtej Vetting-ut është përfshirë në kushtet e përcaktuara nga BE-ja për hapjen e bisedimeve të pranimit”, është deklarata që diplomatja amerikane ka shpërndarë në rrjetet sociale.
Në fakt hetimin e gjyqtarëve apo prokurorëve të shkarkuar nga Vetting, sikundër edhe të zyrtarëve të lartë, duhet t’a realizojë SPAK, struktura e posaçme, për të cilën diplomatja amerikane ka shprehur shumë besim dhe optimizëm.
Prej javësh në SPAK janë depozituar një seri kallëzimesh penale, përfshi këtu edhe tenderat sekretë apo inceneratorët, por ende nuk ka një njoftim se çfarë po ndodh me hetimet.
We agree. https://t.co/FvbrhBlwPN
— Ambassador Yuri Kim (@USAmbAlbania) November 6, 2020
