Ish-ministri i Shëndetësisë dhe ish-deputeti i PD, Tritan Shehu, ka reaguar lidhur me vetëvrasjet e pacientëve të prekur nga koronavirusi. Shehu ka akuzuar për aktet ekstreme të pacientëve Kryeministrit Edi Rama.
“I vetmi vend me vetëvrasje në spitale Covid është Shqipëria, shumë hallka krijuan traumat psikologjike te njerezit që nga shkurti dhe këtu nuk e ka fajin personeli i mbingarkuar, por Kryeministri duke folur për mijëra të vdekur e arkivole, kodra me varreza, nxjerrë tanket etj, i terrorizoi njerëzit me shumë se kjo sëmundje, krijoi një deformim të gjatë psikologjik!”, shkruan Shehu.
Sipas tij, gjatë pandemisë nuk janë marrë masa inteligjente shëndetësore, por vetëm show dhe agresim ndaj qytetarëve.
“Ajo nënë e jashtëzakonshme që foli, veçse që të tilla tragjedi mos të përsëriten, i vuri “pikat mbi i”. Historia si e tregon filloi me amullinë “alo, alo” në sistemin parësor pa kontakt direkt, mospasja e protokolleve mjekuese, mundësisë për tamponin, përgjigjen e tij mbas 5 ditësh etj, të gjitha që thellojnë panikun”, shkruan Shehu.
Postimi nga Tritan Shehu
I vetmi vend me vetëvrasje në spitale Covid është Shqipëria, shumë hallka krijuan traumat psikologjike te njerezit që nga shkurti dhe këtu nuk e ka fajin personeli i mbingarkuar, por Kryeministri duke folur për mijëra të vdekur e arkivole, kodra me varreza, nxjerrë tanket etj, i terrorizoi njerëzit me shumë se kjo sëmundje, krijoi një deformim të gjatë psikologjik!
Nuk u mendua për masa “inteligjente” shëndetësore, por vetëm për të bërë show e agresuar qytetarët. Mungesa e një strategjia pluridimensionale, menaxhimi i dështuar, sistemi në kolaps, përballë kësaj patologjie të rrezikshme favorizon akte të tilla tragjike.
Ajo nënë e jashtëzakonshme që foli, veçse që të tilla tragjedi mos të përsëriten, i vuri “pikat mbi i”. Historia si e tregon filloi me amullinë “alo, alo” në sistemin parësor pa kontakt direkt, mospasja e protokolleve mjekuese, mundësisë për tamponin, përgjigjen e tij mbas 5 ditësh etj, të gjitha që thellojnë panikun.
Më tej presioni të shtrohet apo jo në spital të mbingarkuar, ku gjen një dhomë me 5 pacientë të tillë, tre infermiere në turn për rreth 40 pacientë Covid, larg çdo standarti këto, ndërsa mbi 50% e shtretërve në vend qëndrojnë bosh.
Familjarët duhet e mund t’i vizitojnë këta pacientë me rekomandimin e psikologut ose vendimin e shefit të klinikës.
Pra mos prisni nga Prokuroria konkluzione, ato janë shumë më të gjera e të çojnë në “majat”!
