SHMU ka publikuar sot parashikimin e motit për javën në vijim, ku duket se do të vijojë një mot i qëndrueshëm, pa reshje shiu dhe me vranësira kalimtare.
Në këtë mënyrë duke nisur nga dita e nesërme dhe deri ditën e mërkurë moti do të jetë kryesisht i kthjellët por nuk do të mungojnë edhe alternimet e vranësirave kalimtare.
Gjatë ditës së enjte pritet një përkeqësim i lehtë i kushteve atmosferike. Moti parashikohet me vranësira mesatare deri të dendura dhe në zonën e veriut edhe intervale me diell.
Vranësirat në zonën e qendrës dhe atë të jugut do të shoqërohen me reshje shiu të herëpashershme me intensitet të ulët e lokalisht shtrëngata afatshkurtër.
Java mbyllet me ditën e premte me motin i cili parashikohet fillimisht me alternime vranësirash dhe kthjellimesh dhe më pas mot i kthjellët me vranësira të pakta kalimtare.
