Basha: Largimi i Ramës i vulosur nga shqiptarët, hakun do e marrë me votë

Kreu i Partisë Demokratike, Lulzim Basha, u shpreh sot i bindur se largimi i Edi Ramës, është vulosur nga shqiptarët.

Basha ka komentuar ndryshimet në Kodin Zgjedhor, ndërsa theksoi se asnjë lloj manovre nuk e shpëton Edi Ramën nga humbja e sigurtë më 25 prill.

“Për këtë pyetje dua t’ju them që nuk mund të futem të shumë në detaje. Nuk ka formulë që të ndalë ndryshimin, 90% e shqiptarëve duan ndryshim.

Edi Rama nuk do të ketë më mundësi të tallet pas 25 prillit. Hakun do e marrë, me votë. Sido që të jetë më 25 prill do të jetë një ndryshim.

LEXO EDHE  Ia bëri me shenjë me elektrik, polici hapi xhamin e makinës dhe ...! Detaje të reja nga ekzekutimi në Lezhë

E vetmja gjë që ka në dorë Rama është që të lejojë që ndryshimi të bëhet me votë.

Por hakun do e marrë si me votë si me çdo skenar tjetër. Largimi i tij është i vulosur nga shqiptarët më 25 prill.

Nuk do ketë më mundësi të tallet”, deklaroi Basha.