Bayern Munchen ka marrë fitoren e dytë në Ligën e Kampioneve teksa ka mposhtur në transfertë 1-2 Lok.Moscow.
Golin e parë të ndeshjes e shënoi Leon Goretzka në minutën e 13-të pas një aksioni të ndërtuar nga shokët e tij. Rezultatin e barazoi Anton Miranchuk në minutën e 70-të me anë të një kundërsulmi të shpejtë.
Golin e fitores për Bayernin e shënoi Joshua Kimmich në minutën e 79-të përmes një gjuajtje shumë të fortë nga jashtë zone.
Me këtë fitore, Bayerni mbanë kreun e Grupit A me gjashtë pikë, Lokomotiva dhe Salzburg kanë nga një pikë, ndërsa Atletico në fund pa asnjë pikë.
Në ndeshjen tjetër të orës 18:55, Interi është ndalur në një barazim pa gola në transfertën e Shakhtar Donetsk. Skuadra e drejtuar nga Conte nuk arriti të gjej golin pavarësisht rasteve të shumta.
Në këtë sfidë, Interi ishte e pafat, teksa ka goditur edhe dy herë traversën.
Pas 2 ndeshjeve, Interi renditet në vendin e dytë me 2 pikë, ndërsa Shakhtari është në vend të parë me katër pikë.
