Sekuestrohen 2 kg marijuanë në kufi me Greqinë. Mësohet se sasia e drogës u gjet nga patrulla e policisë kufitare në vendin e quajtur “Bashkimi i Përrenjve” në Konispol.
Po ashtu bëhet e ditur se është arrestuar Niko Kobuzi, 50 vjeç, lindur dhe banues në Berat, i cili po tentonte të kalonte kufirin e gjelbër për në Greqi.
Nga kontrolli i ushtruar mbi të iu gjetën brenda në çantën e shpinës dy qese plastmasi me ngjyrë të zezë që brenda kishte marijuanë.
Qeset ishin të lyera me shtresë kafeje me qëllim që të shmangej era e lëndës narkotike.
Grupi hetimor i Komisariatit të Policisë së Sarandës shkoi në vendngjarje për hetime të mëtejshme.
