Kryetari i PD Berat ka hedhur akuza të forta andaj ish-deputetit demokrat Astrit Veliaj. Gazment Azizi e etiketon Veliajn si “shitës diplomash” dhe njeri që “krekoset si kaposhi majë plehut”.
“As interes nuk kam patur kurrë tek ty, as në vitin 2014 dhe as në vitin 2017, pavarësisht aferave të tua të pista financiare, të cilat i kam shtyrë tutje me këmbë. Ti nuk meriton as kohën dhe as vëmendjen time, pavarësisht gadishmërise për një debat publik jo vetëm në mediat lokale po edhe më gjerë. Ti, erdhe i frustruar me madhështinë e nj lideri per zhvilimin rajonal dhe ike si një hotelxhi i nje hoteli me 5 yje të ideuar dhe legalizuar nga Rama”, shprehet Gazment Azizi për Astrit Veliajn në një postim në rrjetet sociale.
Rreth tre javë më parë, demokratët e Beratit përjashtuan Astrit Veliajn, në procesin e votimit për listat me kandidatët e mundshëm të PD-së në zgjedhjet e ardhshme parlamentare. Astrit Veliaj është zgjedhur deputetë me PD në dy legjislatuara, atë të vitit 2013 dhe në vitin 2017-të.
Reagimi i plotë
Z.Veliaj në fakt do të doja tju therrisja zoti deputet, por ju asnjëhere nuk e keni merituar sepse asnjëhere nuk keni qene përfaqesues i demokratëve dhe qytetarëve beratas.
Asnjëhere nuk keni qenë zëri ynë në parlament dhe asnjëhere nuk keni mbrojtur interesat dhe të drejtat e qytetareve beratas të shkelura nga kjo qeveri kriminale.
Ju, keni parë dhe keni mbrojtur vetëm interesat tuaja personale, duke flirtuar herë me kryeministrin dhe herë me drejtuesit vendore te bashkisë Berat.
Po ju drejtohem ju, jo si mendimtari, por si leterporositësi i shkrimit ne fjale, i cili pavarësisht ngjyrave ngelet i nje niveli shumë të ulët jo vetëm politik ,por edhe moral.
360 vota kundër ,shtuar këto edhe me 45 vota te tjera kundër teje,të marra nga fletët e votimit të pavlefshme përbëjnë gati 50% të antarsisë të cilet mendojnë se ti nuk mund dhe nuk duhet ti përfaqësosh në parlamentin shqiptar.
Kjo është ajo çka ti duhet të analizosh.
Reflektimi duke i hapur rrugën për në parlament djemve dhe vajzave beratase,pedagog universitetesh,inxhinjer, mjek,studiues dhe specialist të fushave të ndryshme është një nder që ti duhet ti bësh qytetarëve beratas.
Sot është koha që në parlamentin shqiptar të shkojnë ata që japin dije dhe jo ata që shesin diploma.
Te shkojne ata që janë të afte të ndërtojnë dhe jo ata që porosisin ndertime.
Të shkojnë ata që janë pranë njerëzve në nevojë dhe jo ata që krekosen si kaposhi majë plehut.
As ti, dhe askush tjetër nuk mund të përbaltë dot një proces kaq demokratik dhe transparent të zhvilluar ndonjëherë nga partitë politike në këto 30 vjet.
Unë e kam për nder që kam qenë drejtues në institucionet rajonale, detyrë që e kam kryer me ndershmëri dhe pergjegjësi maksimale.
Unë besoj se PD nuk do të vije në pushtet për të futur në punë disa drejtues apo disa punonjes.
Ardhja e Partisë Demokratike në pushtet është e vetmja shpresë për Shqipërine dhe shqiptarët.
Ajo do të permiresojë ndjeshem gjëndjen ekonomike të të gjithë shqipetarëve, pa dallim bindje. Do te jete ajo që do t’i japë frymëmarrje biznesit nëpermjet uljes së taksave dhe tatimeve dhe do të krijojë një klimë sa më të përshtatshme për investitorët vendas dhe të huaj.
Vetëm kështu do të mund të hapen vende të reja pune, do të rriten rrogat e pensionet, do të ofrohet arsim dhe shëndetësi më e mirë.
Nëpërmjet vendosjes së shtetit ligjor, qytetarët shqiptarë do të kenë më shumë siguri për jetën dhe për pronën , por mbi të gjitha do tu kthehet shpresa e humbur për një jetë më të mirë.
Ka shumë arsye pse PD duhet të vijë ne pushtet, por ti miku im keto nuk i kupton dot dhe per kete unë nuk të vë faj.
Nuk do të merrem gjatë me ty , jo se te kam frike, se frike kam vetem nga i madhi ZOT.
As interes nuk kam patur kurrë tek ty , as në vitin 2014 dhe as në vitin 2017, pavarësisht aferave të tua të pista financiare, te cilat i kam shtyrë tutje me këmbë.
Ti nuk meriton as kohën dhe as vëmendjen time, pavarësisht gadishmërise për një debat publik jo vetëm në mediat lokale po edhe më gjerë.
Ti, erdhe i frustruar me madhështinë e nj lideri per zhvilimin rajonal dhe ike si një hotelxhi i nje hoteli me 5 yje të ideuar dhe legalizuar nga Rama!
