Milani bind edhe në Europë, ekipi i Piolit vazhdon me fitore

Milani mposht Celtic 3-1 në Skoci dhe e nis Europa League me 3 pikët e para në grup.

Paraqitje bindëse nga ekipi i Piolit që marshon kudo dhe nuk njeh kundërshtar. Pjesa e parë u mbyll 2-0 me golat e Krunic dhe Brahim Diaz, magjik dhe spektakolar.

Në 45′ e dyta, trajneri bëri disa ndryshime, teksa la 90 minuta debutuesin Dalot, duke ruajtur titullarët dhe me mungesa. Por, ishte Celtic ai që goditje këndi shënoi dhe rihapi gjithçka deri kur në fund, Hauge, gjithashtu debutues në Europë me kuqezinjtë, në kundërsulm gjeti golin e parë me Milanin.

LEXO EDHE  “Myrto Uzuni, djali që lante enët në Greqi dhe donte të bëhej si CR7”, talenti tregon historinë e tij për “AS”

Kuqezinjtë po kalojnë një moment të mirë teksa në Serie A regjistrojnë 4 fitore në po kaq ndeshje.