Kreu demokrat Lulzim Basha ka vijuar replikat në distancë, përmes rrjeteve sociale, me Kryeministrin Edi Rama. I gjithë debati mes Ramës dhe Bashës është përqëndruar te inceneratorët, për të cilat PD ka depozituar në SPAK 3 kallëzime penale, por nuk ka asnjë njoftim nga Prokuroria Speciale, lidhur me çështjen.
Në postimin e rradhës në rrjet, Basha duke iu drejtuar Ramës shprehet “kur për të mbrojtur korrupsionin tënd, mbyll PS në një vendgrumbullim plehrash, kuptohet se e ke një hall të madh”. Në vijim, Basha thekson se “halli yt nuk ka asgjë të përbashkët me hallet e Shqipërisë”.
“Në gropën e zezë ku je futur nuk do ta marrësh dot Shqipërinë me vete. Ora e gjykimit po afron!”, shkruan Basha.
