Liroi Gert Gjinararin, KLGJ shtyn vendimin për gjyqtarin Markeljan Kuqo

Këshilli i Lartë Gjyqësor ka shtyrë për në datën 5 nëntor, ora 12:00, vendimin për Markeljan Kuqon, gjyqtari i Apelit të Korçës.

Në seancën e radhës priten konkluzionet e palëve.

ILD ka kërkuar shkarkimin e Kuqos për cënim të rëndë të figurës së gjyqtarit, në vendimin për lirim nga qelia të Gerd Gjinerarit ndërsa KLGJ e ka marrë në pyetje për herë të dytë.

Gjyqtari Markelian Kuqo liroi nga burgu Gert Gjinararin, i njohur si një prej të “fortëve të Tiranës”, ndryshe “Gjenerali”.

Në 14 shkurt 2019, gjyqtari Kuqo, me një vendim të shumëdebatuar vendosi të lironte me kusht nga burgu Gert Gjinararin, i cili ishte dënuar me burgim të përjetshëm si bashkëpunëtor me Arben Grorin në vrasjen e bujshme të Naim Zyberit në Itali.

LEXO EDHE  Raporti i FMN, Tabaku: Ekonomia në depresion, qëllimi i Qeverisë si të vjedhë gjatë krizave

Në Itali, Gert Gjinarari është dënuar dy herë për një sagë krimesh që nga trafiqet, veprimtari në kuadër të grupit kriminal. Në vendimin e gjyqtarit shkruhet se Gjinarari është plotësisht i rehabilituar dhe i gatshëm për t’u riintegruar në shoqëri.

Vetë Kuqo pretendon se ka dhënë një vendim gjyqësor në zbatim të ligjit.