Vendimi për ta çuar kufirin detar me Greqinë në Gjykatë Ndërkombëtare është dështim i qeverive, që pas negociatash për disa vite, nuk arritën një marrëveshje. I këtij mendimi është Ish-komandanti i Flotës Detare, Vladimir Beja.
“Dje unë pash një kryeministër relativisht në gjendje, mu dhimbs, pasi ishte në gjendje dëshpëruese ndoshta nga fakti që është ndërhyrja e kryetarit të opozitës së atëhershme, që e mbrojti në gjykatën kushtetuese, dje ai shpalli dështimin që nuk arriti ta bënte që nuk arriti të bënte një marrëveshje”, tha Beja.
Ajo që është më shqetësuese, thotë zoti Beja, është mungesa e transparencës nga ana e qeverisë shqiptare, me negociatat e deritanishme me palën greke dhe pika ku dy palët nuk arritën të gjejnë marrëveshje.
“Ajo që është më shqetësuese është se ne nuk kemi asnjë informacion mbi e palës shqiptare. Nuk kam arritur të shoh qartë cili ka qenë drafti që ka drafti që i ka paraqitur pala shqiptare palës greke. Ndërsa pala shqiptare asnjë herë nuk ka deklaruar se ne jemi ne negocimi, ne nuk kemi asnjë lloj problematike. Asnjëherë ministria jonë i jashtëm nuk tregoi çfarë mbron pala shqiptare. Si pala greke ka të drejtë asnjëherë nuk ka treguar çfarë mbron pala shqiptare”, shtoi më tej ai.
Sipas Vladimir Bejës, që ka qenë anëtari i komisionit në ndarjen e detit me Italinë, ajo që duhet të bëjë qeveria shqiptare në këtë moment është një pakt kombëtar dhe mbledhjen e ekspertizës më të lartë për tu përfaqësuar në gjykatën ndërkombëtare.
“Që të shkosh deri tek gjykata ndërkombëtare, shteti shqiptarë sot duhet të grumbullojë të gjithë resurset e saj intelektuale, eskperiencën më të lartë, angazhimin e të gjitha ministrive, madje do të thoja që Rama ti shtrijë dorën Bashës se nuk bëhet fjalë për një vendim të një qeverie por një sukses i kombit shqiptar. Jemi i pari rast që ne të mos tregohemi dinjitoz për të mbrojtur. ..parimet e konventës janë favorizuese për bregdetin shqiptar”.
Shprehet i bindur se Shqipëria, nëse përgatitet seriozisht, është favorizuese kundrejt Greqisë.
“Problematika që ka gjykuar gjykata ndërkombëtare janë ishujt, çfarë statusi kanë ishujt përball kontinentit, këtu është dhe ngërçi që palët nuk po bien dakord në këtë pikë. Nga gjykata në këtë raport nuk ka se si, në rastin tonë ne të dalim negative, është favorizuese. parimet e konventës janë favorizuese për bregdetin shqiptar”, sqaron ish-komandanti.
Gjykimi i çështjes mund të zgjas edhe disa vite, thotë ish-komandanti i Flotës Detare.
“Ngutet ai që ka hall. Ne nuk e kemi këtë hall. Halli më i madh i jonë është që ne të humbasim. Eksperienca ndërkombëtare tregon që zakonisht këto gjyqe zgjasin”, deklaroi ai./abcnews.al
