VIDEO/ Rama, propogandë dhe fushatë me inceneratorët

Në kulmin e debatit lidhur me aferën e inceneratorëve, Kryeministri Edi Rama duket se ka zgjedhur të vijojë propogandën dhe fushatën pikërisht me këtë çështje.

Ndërsa një ditë më parë, Partia Demokratike, depozitoi në SPAK kallëzimin penal ndaj Kryeministrit Edi Rama, kryebashkiakut të Tiranës, Erion Veliaj, ministrit Arben Ahmetaj, ish-ministrit të Mjedisit, Lefter Koka, si dhe biznesmenëve Klodian Zoto dhe Mirel Mërtiri, sot Kreu i Qeverisë ka postuar në rrjet një video nga Sharra.

“Me Sharrën dje, sot dhe së afërmi, si një pasqyrë e qeverive që kishim me Saliun, Lulin, Ilirin e Monikën, e qeverisjes që kemi sot me Partinë Socialiste dhe e Shqipërisë që duam nesër për fëmijët tanë”, shkruan Rama në rrjet, duke postuar videon e mëposhtme.

Duket se Kryeministri vijon me projektet 3D, njëlloj si në rastin e aeroporteve në Kukës dhe Vlorë. Por në rastin e inceneratorëve Rama ka humbur qetësinë dhe shfaqja në një prej emisioneve televizive javën e kaluar tregoi se ai e ka të vështirë të mbrojë një aferë të denoncuar publikisht.

LEXO EDHE  Bie nga vinçi, plagoset punonjësi i Bashkisë/ Emri

Pyetja që i është shtruar Ramës nga kreu i PD-së, Lulzim Basha, është se ku kanë përfunduar 75 mln eurot për 3 inceneratorët që nuk punojnë. Deri më tani mungon një përgjigje, ndërsa Rama ka zgjedhur propogandën. Një ditë më parë Basha pyeti se kush është peshku i madh i inceneratorëve, përgjigjia e së cilës, sipas të gjitha akuzave të opozitës të çon pikërisht te Kryeministri, i cili ka zgjedhur të mbrojë deri në fund aferën, madje nuk është çudi që edhe fushatën për 25 prillin ta bazojë pikërisht me këtë çështje, duke përdorur videot 3 apo 4 D.