Partia Demokratike i cilëson frymëzim për skenare filmash me mafiozë ato që kanë ndodhur gjatë qeverisjes socialiste.
Sekretari i Përgjithshëm i PD-së, Gazment Bardhi ka publikuar një video që kolonë zanore ka muzikën e filmit të famshëm italian “La piovra” (Oktapodi), teksa shkruan se në fund, mafiozët hanë kokat e njëri–tjetrit dhe përfundojnë në burg!
Bardhi, ka shpërndarë një video se si duket sot landfilli i Sharrës, duke e cilësuar si frymëzim për skenare filmash me mafiozë, ku ka vend për të gjithë, që nga mashtrimet, korrupsioni, armët, çunat problematikë.
“Frymëzim për skenare filmash me mafiozë! Mashtrime, vjedhje, korrupsion, armë, çuna problematikë!
Ah, se desh harruam groposjen e plehrave. Skenari perfekt për një “giallo alla Rilindja”! Veçse kujdes! Në fund, mafiozët hanë kokat e njëri – tjetrit dhe përfundojnë në burg!
Denonco korrupsionin masiv të kësaj qeverie! Shpërndaje këtë video!”, shkruan Bardhi.
