Skuadra e Napolit nuk i shpëton dot makthit nga Covid-19.
Pasi humbi 3 pikë në tavolinë përballë Juventus, pikërisht për shkak të pandemisë, kundërshtari i ekipit të Elseid Hysajt në Europa League, AZ Alkmaar raporton dy ditë para ndeshjes se 13 futbollistët ë saj kanë rezultuar pozitivë në testet e fundit.
Një situatë shumë e rëndë te klubi holandez, i cili numëron 3 infektime edhe brenda stafit teknik.
Megjithatë deri tani thuhet se ndeshja do të zhvillohet, pasi në protokollin e UEFA-s thuhet se në rast se janë 13 lojtarë gati në skuadër, atëherë ndeshja nuk anulohet dhe skuadra holandeze ka gati 17 lojtarë.
Në orët e ardhshme pritet të merret edhe një vendim përfundimtar për ndeshjen, por deri tani thuhet se do të luhet pa problem, duke iu referuar protokollit të UEFA-s.
