Barcelona triumfoi në “Camp Nou” 5-1 përballë Ferencvaros. Rezultati u zhbllokua nga Lionel Messi në minutën e 27-të. Argjentinasi ktheu në gol një penallti të fituar po vetë.
Ansu Fati i dhuroi ekipit avantazhin e dyfishtë në fundin e pjesë së parë. Në pjesën e dytë erdhën edhe rrjetat e Philippe Coutinhos, talentit Pedri dhe Ousmane Dembele, teksa miqtë realizuan golin e nderit nga pika e penalltisë.
Spektakël, gafa dhe gola në “Olimpico” mes Lazios dhe Dortmundit. Ekipi italian e nisi shumë mirë aventurën në Champions League, duke arritur një fitore 3-1. Ciro Immobile, Felipe Luiz dhe Jean Akpa Akpro shënuan për vendasit, ndërsa rrjeta e Erling Haaland nuk i vlejti verdhezinjve gjermanë.
Debutim fantastik në kompeticionin më të rëndësishëm për klube për Thomas Strakoshën (titullar si gjithmonë mes shtyllave të Lazios) dhe Vedat Muriqin, i cili u fut në fushë në minutën e 67-të në vend të Angel Correas.
