Ish-Kryeministri Sali Berisha ka reaguar ashpër ndaj deklarimeve të Kreut të Qeverisë, Edi Rama, i cili një ditë më parë foli me tone kritike ndaj vendeve të Unionit, ndërsa tha se nuk mund të flitet për krim shqiptar.
Duke e cilësuar Ramën si kreun e Meduzës së krimit të organizuar shqiptar, Berisha shprehet se e vërteta është se muri i krimit të organizuar, i ndërtuar nga kreu i Meduzës, ka mbyllur dyert e BE-së për hapjen e negociatave me Shqipërinë.
“Sipas raportit të DASH, Shqipëria këto vitet e fundit është qendër operacionale e organizatave kriminale të rajonit, Europës, Amerikës së Veriut dhe të Jugut e Lindjes së Mesme.
Shqipëria është tashmë autostrada kryesore e heroinës drejt Europës dhe vendi i shpallur si narkoshteti i vetëm në Europë apo Kolumbia e saj.
Kreu i Meduzës së krimit të organizuar shqiptar, Edvin Mafia, është kështu njeriu i vetëm në botë që mohon ekzistencën e tij.
Ndiqni në videon e mëposhtme reagimin e tij ndaj pyetjes së gazetares”, shkruan Berisha.
