Eksperti i shëndetit publik, Erion Dasho, ka reaguar përmes një postimi në rrjetet sociale, vetëm pak minuta pasi Presidenti Ilir Meta tha se mbështeste ekspertët lidhur me maskat, por jo vendosjen e gjobave nga Qeveria.
Dasho në reagimin e tij i është drejtuar me një thirrje politikës që të mos ç’orientojë qytetarët lidhur me historinë e mbajtjes së maskave në hapësirat publike, ndërsa vë theksin në trinomin: testo-gjurmo-trajto.
“Askush nuk mund të kontrollojë COVID-19 vetëm me maska, edhe sikur 100% e popullsisë të përdorë maskën! Nuk e bën dot këtë as për 6 javë, as për më gjatë! E pamundur!
Po përmend vetëm dy arsye, njëra objektive dhe tjetra subjektive:
1. Pjesa më e madhe e qytetarëve mbajnë maska artizanale që ofrojnë mbrojtje në kufijtë e 30%. Asnjë vend nuk ka arritur dot t’u mundësojë qytetarëve furnizim me maska kirurgjikale apo FFP në sasi të mjaftueshme!
2. Jo të gjithë qytetarët kanë njohuri apo mundësi t’i përdorin maskat në mënyrë korrekte! Dikush i mban ato nën mjekër, dikush nuk ka mundësi t’i lajë çdo ditë, dikush e prek maskën me duar të ndotura, etj. Përsëri, asnjë vend sado të edukuar t’i ketë qytetarët, nuk arrin dot që 100% e tyre të sillen si një kirurg në sallën e operacionit!”, shkruan Dasho.
Postimi nga Erion Dasho
Një thirrje për politikën!
Ju lutem mos i ç’orientoni qytetarët me historinë e maskave në publik!!!
Askush nuk mund të kontrollojë COVID-19 vetëm me maska, edhe sikur 100% e popullsisë të përdorë maskën! Nuk e bën dot këtë as për 6 javë, as për më gjatë!
E pamundur!
Po përmend vetëm dy arsye, njëra objektive dhe tjetra subjektive:
1. Pjesa më e madhe e qytetarëve mbajnë maska artizanale që ofrojnë mbrojtje në kufijtë e 30%. Asnjë vend nuk ka arritur dot t’u mundësojë qytetarëve furnizim me maska kirurgjikale apo FFP në sasi të mjaftueshme!
2. Jo të gjithë qytetarët kanë njohuri apo mundësi t’i përdorin maskat në mënyrë korrekte! Dikush i mban ato nën mjekër, dikush nuk ka mundësi t’i lajë çdo ditë, dikush e prek maskën me duar të ndotura, etj. Përsëri, asnjë vend sado të edukuar t’i ketë qytetarët, nuk arrin dot që 100% e tyre të sillen si një kirurg në sallën e operacionit!
Gjithmonë kam dhënë shembullin e Gjermanisë! Nuk ka popullatë më të bindur dhe më kompliante me rregullin e mbajtjes së maskës. Sërish numrat janë në rritje! Gjithë popullsia mban maskë, por shteti paralelisht treston, gjurmon dhe trajton! Nuk e ka lënë epideminë në mëshirën e maskave!!!
Edhe njëherë!
Mos premtoni diçka që nuk mund të arrihet!
Investoni në trinonim testo-gjurmo-trajto!
Mbroni jetën dhe shëndetin e qytetarëve!!!
