Policia greke vijon të kërkojë shqiptarin me emrin Niko, i cili dyshohet si autori i krimit të dyfishtë në Flambouro, lokacioni Loutraki, ngjarje e ndodhur më 1 tetor.
Sipas policisë greke, shqiptari ka ekzekutuar ish-partneren e tij, 45-vjeçaren Svetlana dhe partnerin e saj të ri, një farmacist grek. Mediat greke raportuan se krimi ka ndodhur në banesën e 45-vjeçares, ndërsa vrasja është kryer me hanxhar.
Policia e ka gjetur derën e banesës të mbyllur, çka do të thotë se autori i krimit ka pasur çelës për të hyrë brenda.
Sipas mediave lokale, oficerët e policisë të AT Loutraki hynë në shtëpinë e 45-vjeçares nga Odesa, Ukrainë, rreth orës 16:15, të datës 1 tetor.
Pasi ata hapën derën brenda panë dy viktima, një grua 45 vjeçare dhe një burrë të shtrirë në dysheme dhe të larë në gjak.
Trupat e tyre mbanin goditje të shumfishta nga një hanxhar, ndërsa ishin tërësisht të zhveshur.
Sipas informacioneve, 45-vjeçarja kishte një lidhje dhe po jetonte me burrin me të cilin u gjetën të vdekur në shtëpinë e tyre.
Fqinjët folën për protothema.gr dhe raportuan se ata ishin një “çift i qetë”, i cili kurrë nuk kishte shkaktuar probleme.
Por vite më parë ajo ishte e lidhur me një shqiptar me emrin Niko me të shkuar kriminale, i cili i verbuar nga pasioni dhe dashuria e pakontrollueshme nuk pranoi kurrë lidhjen e viktimës me farmacistin dhe kreu krimin natën e së shtunën, 10 tetor.
Shqiptari tani është zhdukur dhe Policia po skanon në të gjithë Greqinë për të gjetur të dyshuarin shqiptar.
Mendohet se 45 vjeçari është larguar për në Shqipëri.
DENONCO