Tedi Blushi, Zëdhënës i Presidentit të Republikës, ka reaguar ndaj një postimi të Kryeministrit Edi Rama, i cili e konsideron Ilir Metën, thjesht Komandant të LSI.
“Buburrec Trendi, mos fol më për Kushtetutën, që e ke përdhosur si bandit nga viti 2008 e deri tani.
Përndryshe, as pampersat s’të bëjnë derman!
Thellohu e reflekto urgjent”, shkruan Blushi.
Kryeministri Rama dhe Presidenti Meta prej kohësh janë përfshirë në një përplasje dhe akuza të ndërsjellëta mes tyre. Së fundmi, Meta në konferencën për mediat tha se nuk është vetëm Komandant i FA-ve, por edhe ushtari i parë i Republikës, ndërsa kërkoi nga Edi Rama të respektonte marrëveshjen e 5 qershorit.
